News

17.11.2014

Regla pa akseso na e √°rea di naturalesa proteh√° SHUT

E área di ‘Shut’ ta kai bou di responsabilidat di Curaçao Airport Holding. Akseso na e área aki atraves di e kaminda prinsipal i otro puntonan di entrada ta limitá na vehíkulo di famia (outo regular), motosaikel, baiskel i kaminante. Por vigilá moveshon di tur esnan ku drenta e área, pa medio di personal di seguridat i kámara di vigilansha. Asina ta trata di garantisá bo seguridat i seguridat di nos medio ambiente i naturalesa mas tantu posibel.

REGLANAN
SHUT ta aksesibel solamente pa rekreashon i piskamentu.
Aktividatnan rekreativo pèrmití ta inkluí korementu di baiskel i mountain bike, korementu di motosaikel ‘off-road’, kanamentu i djògmentu.

Akseso bou di bo propio responsabilidat i riesgo
Sòru pa bo tin sufisiente awa pa bebe i rekurso pa promé ousilio
Tene kuenta ku bo telefòn selular por ta fuera di alkanse den partinan di e área aki
Semper sòru di ta akompaña pa por lo menos un otro persona
Sòru pa un hende na kas sa na unda bo ta i ki ora bo ta spera di ta bèk na kas

Semper bai garantisá bo propio seguridat i seguridat di otro deportista i rekreadó den e área! Por fabor raportá kualke iregularidat, akto ilísito, komportashon peligroso i kalamidat inmediatamente na sentral di seguridat di Shut.

Orario di apertura di Shut:
Djaluna pa djabièrnè di 7or di mainta pa 6or di atardi
Djasabra i djadumingu di 6or di mainta pa 6or di atardi

PROHIBÍ
Ta terminantemente prohibí pa karga arma di kandela, kuchú i otro arma òf atributo menasante. Tambe ta prohibí pa poseé, usa òf trafiká droga i artíkulo hòrtá.

Ta terminantemente prohibí pa deshasí di kargo, material, shushi òf líkido ku por hasi daño na naturalesa i medio ambiente, tantu riba tera òf den laman.
Esaki ta inkluí, pero no ta limitá na:
- Shushi di kas
- Plèstik
- Kontenido di bérpùt
- Desperdisio kímiko
- Zeta i produktonan di zeta
- Desperdisio di konstrukshon
- Kadaver

Bo mester kumpli ku e reglanan aki detenidamente. Den kaso di violashon por nengabu entrada pa e área di Shut sin splikashon. Desobediensia i aktonan ilísito lo ser pèrsiguí i kastigá.

Bo por manda idea, keho òf remarke pa shut@ca-holding.com
 

Unique Investment Opportunities

Have a look at the airport layout and find out if there are opportunities for you and your company

Click the image or Click here